Sin
I Kam Long Dispela
Graun
Long wanem, pe bilong sin em dai. Tasol presen bilong God em i
laip i stap gut oltaim oltaim long wok bilong Jisas Kraist, Bikpela bilong yumi. Rom 6:23
Long wanem, olgeta i bin mekim sin, na kamap sot long
glori bilong God, Rom 3:23
Wokim Tingting Bilong God
Na em bai karim wanpela
pikinini man, na yu bai kolim nem bilong Em JISAS. Long wanem, Em bai kisim bek ol manmeri bilong Em long
ol sin bilong ol. Matyu 1:21
Pasin Bilong
Kisim Bek
Long wanem, God i laikim tru ol manmeri bilong dispela
graun olsem, inap long Em i givim dispela wanpela Pikinini Man tasol Em i
kamapim, long husat man i bilip long Em i no ken lus, tasol em i ken gat laip i
stap gut oltaim oltaim. Jon 3:16
Laikim Tru Bilong
God
Tasol God i soim wok bilong laikim tru bilong Em i kam
long yumi, long dispela, taim yumi stap ol sinman yet, Kraist i dai long helpim
yumi. Rom 5:8
Kirap Bek Long Dai
Long wanem, mi givim long yupela pastaim bilong olgeta
dispela samting mi tu i bin kisim, long Kraist i bin dai olsem wanem long ol
sin bilong yumi bilong bihainim ol rait bilong God. Na long ol i planim Em, na long Em i kirap
bek gen long namba tri de bilong bihainim ol rait bilong God. 1 Korin 15:3, 4
Laip I Stap Gut Oltaim Oltaim
Na dispela em i laip i stap gut oltaim oltaim, long ol
I ken save long Yu, dispela wanpela God tru tasol, na Jisas Kraist, husat Yu
bin salim. Jon 17:3
Hop Bilong Bai
Taim yumi lukluk long dispela hop i gat blesing, na
dispela kamap ples klia i gat glori bilong dispela nambawan God na Man Bilong
Kisim Bek yumi Jisas Kraist. Taitas 2:13
Lukim, Em i kam wantaim ol
klaut. Na olgeta wan wan ai bai lukim Em, na ol tu
husat i bin sutim Em. Na olgeta kandre bilong dispela graun
bai krai wantaim singaut bilong tingim Em. Yes, olsem tasol, Amen. Revelesen 1:7
Jisas Bai Kam Bek
Long wanem, Bikpela Em Yet bai kam daun long heven
wantaim wanpela singaut, wantaim nek bilong nambawan ensel, na wantaim biugel
bilong God. Na ol daiman insait long Kraist bai kirap bek pastaim. 1 Tesalonaika 4:16
Lo Bilong God
Sapos yupela i laikim Mi tru, bihainim ol tok strong
bilong Mi. Jon 14:15
Husat man i mekim sin i kalapim tu lo. Long wanem, sin
em i pasin bilong kalapim lo. 1 Jon
3:4
Jisas i tokim em, Yu bai laikim tru Bikpela, God
bilong yu, wantaim olgeta bel bilong yu, na wantaim olgeta tewel bilong yu, na
wantaim olgeta tingting bilong yu. Dispela em i namba wan na nambawan tok
strong. Na namba tu em i olsem dispela, Yu bai laikim tru man i stap klostu
long yu olsem yu laikim yu yet. Matyu 22:37-39
Jisas Lusim Sin
Bilong Yumi
Sapos yumi autim ol sin bilong yumi, Em i Man yu inap bilip long En na stretpela bilong lusim ol sin bilong
yumi,
na klinim yumi long olgeta pasin i no stretpela. 1 Jon 1:9
Winim Pasin Nogut
[Sin] Wantaim Gutpela Pasin
Olsem na putim yupela yet aninit long God. Sanap na birua long
Seten, na em bai ranawe long yupela. Go
klostu long God, na Em bai go klostu long yupela. Klinim ol han bilong yupela, yupela ol sinman. Na
klinim ol bel bilong yupela, yupela ol man bilong tupela tingting. Jems 4:7, 8
Putim Bilip
Long God
Bilip long BIKPELA wantaim olgeta bilong bel bilong yu. Na no ken lindaun long gutpela save bilong yu yet. Long olgeta rot bilong yu,
luksave long Em, na Em bai stiaim ol liklik rot bilong yu. Provep 3:5, 6
Tok Pisin --Papua New Guinea Pidgin 
